سحر القضاة
والأهزوجة ممكن تكون أنشودة صوفية
عن حب الإله
عن صفات النبي المصطفى
ممكن تكون أهزوجة لابنها الطالع عالجيش
للفتى الصغير اللي بتستناه الحياة بأصعب طرقها
وصوت أبوك بصلاة الفجر.. "ربنا لا تؤاخذنا إن نسينا أو أخطئنا"
"ولا تحملنا ما لا طاقة لنا به"
وطريقك يااااااااه ما أطول طريقك يا بنييّ.. هو عمره الغريب كان إله غير الطريق؟!
متى بيخلص هالطريق يا أمي؟
طريقك ما بخلص يا بنيّي..
"واعف عنا واغفر لنا وارحمنا"
قناديل الحب الإلهي بنسمة هوا ...
تردلك روحك بسلامات وطنك
والعتمة ما بتشيلها شمس وطيور
العتمة بشيلها نصر عكتفك مشيول
كيف بتخلص طريقي يما ؟
بتسألني؟ وشو في عندي إشي يجاوبك!.. هالوجه يا يما شاف خذلان وقهر بعدد تجاعيده
طريقك مش سهل صحيح..
طويل بطول عمرك .. بطول عمري بطول عمر جدودك صحيح
بس ما في مستحيل.. ما دام أنت مع ربك .. ما دام أنت مع أمتك
مادام أنت مع قضيتك
مادامك الزلمة اللي ربيته عكل صلاة فجر كيف العزة بتكون..
ما بتهون يا يما.. ما بتهون
"أنت مولانا فانصرنا على القوم الكافرين"
التدوينات المنشورة في قسم نبض القلم لا تعبر بالضرورة عن زيزفون